搬左

「係呀! 我真係搬左去深水埗呀!」

今個星期講得最多既都係呢一句野!

基於屋企裝修關係, 我真係搬左去深水埗..

仲要係唐樓, 冇升降機個種!

又因為真係暫住既關係..

而家間屋有幾唔方便都唔理..

因為最緊要將來有間新屋住!

而家間屋細細間, 家人之間既磨擦都多左..

不過反轉泥睇, 其實有時又會close左架!

呢幾晚都訓得麻麻..

星期六晚打風, 自己及隔離鄰舍的冷氣機被雨打到「的的塔塔」..

好似有十幾個交響樂團係身邊整晚演奏緊..

訓醒, 好似冇訓過咁!

星期日終於都到左小克間舖啦!

真係激死我.. 點解? 因為我又掏腰包俾左好多錢出去..

買左咩? Um.. um..

仲要買完之後先醒起會見到阿媽..

之後勁緊張.. 緊張..

一步一驚心.. 點知阿媽估到我會買..

知我者莫曰我阿媽!

跟住又要驚點樣運佢返公司..

到左尋晚.. (星期一 20.7.2009)

唔知隔離屋做乜野, 半夜3點幾鬧交..

女士掉野, 我懷疑係電視機..

因為有玻璃聲, 又重, 又有零件..

掉左幾次.. 又鬧得大聲..

真係噴血!

大佬呀~ 我都要訓架!

人人好似你咁唔使開工就話姐..

所以今日, 都係渾渾噩噩..